توجه : تمامی مطالب این سایت از سایت های دیگر جمع آوری شده است. در صورت مشاهده مطالب مغایر قوانین جمهوری اسلامی ایران یا عدم رضایت مدیر سایت مطالب کپی شده توسط ایدی موجود در بخش تماس با ما بالای سایت یا ساماندهی به ما اطلاع داده تا مطلب و سایت شما کاملا از لیست و سایت حذف شود. به امید ظهور مهدی (ع).

    پنجشنبه نماشون ته قبر پلی انده برمه کمبه دل بوه خالی

    1 بازدید

    پنجشنبه نماشون ته قبر پلی انده برمه کمبه دل بوه خالی را از سایت هاب گرام دریافت کنید.

    آهنگ جدید فاز مرگ با صدای امیر حسین نظری

    مرورگر شما از این ویدیو پشتیبانی نمیکنید.

    دانلود آهنگ مازندرانی فاز مرگ با صدای امیر حسین نظری

    دانلود آهنگ جدید مازندرانی با خوانندگی زیبای امیر حسین نظری به نام فاز مرگ

    Download Music By Amir Hossein Nazari Called fze marg

    پخش از : سایت شمالی موزیک/ بروزترین سایت پخش دانلود آهنگهای شمالی

    دانلود متن و آهنگ مازندرانی فاز مرگ با صدای امیر حسین نظری

    متن و شعر آهنگ فاز مرگ امیر حسین نظری

    دلبر همین چن روز شومه از دنیا چون دیگر خسته بیمه از آ آدمها

    خامه سفر بورم اون سر دنیا راه دور شومه ما پیش خدا

    جان یاره بوین نیه قبرستون از کار خد اسا نوه پشیمون

    قبر سر کوه بیه آینه و شمدون مگه مه عروسی  نیه رفیقون

    گتی بدون ته دنیا تاریکه یار جدید بیتی تره تبریکه

    مگه تره نتومه مه مرگ نزدیکه قبول نکردی گتی وه تهدیده

    دلبر تو یکی نواش عذا دار برمه چش نرون ننیش مه مزار

    لباس مشکی ره  تن جا در بیار من قبول نکمه بوشی مه غم دار

     بورین بویم مدا نکنه موری مه جان مار کنه بی قراری

    مه مار چش ور درنه هسری شما اتی هادین وره  دلداری

    مامان قبر سر نکن برمه و زاری پسر بوردو دیگر ننی ته پلی

    هر پنجشنبه روزا بین فاتحه خونی مه این آهنگ بمونه یادگاری

    بوینین مه پر کمر بیه خم مه بوردن هاکرده ونه عمر کم

    اینه دونین انسان هسه آه و دم همه جا رسمه که ونه بمردن

    دانلود متن ترانه اهنگ فاز مرگ از امیر حسین نظری

    پخش از سایت بزرگ شمالی موزیک

    منبع مطلب : shomalimusic.com

    مدیر محترم سایت shomalimusic.com لطفا اعلامیه بالای سایت را مطالعه کنید.

    مرورگر شما از این ویدیو پشتیبانی نمیکنید.

    دلگویه های مازندرانی مراسمات ختم

    جوان

    من از این گلزار نشونه دارمه

    الهی مار بمردبو

    من از داغ شه جوون ناله دارمه

    الهی,,,

    من داغ نوگل نو رسته دارمه

    الهی,,,

    چند روزه ونه داغ شه سینه دارمه

    الهی,,,

    الهی مار بمردبو ,,داغ پسر ندیبو

    مگر ته داغ مره بونه فراموش

    الهی,,,

    چند وقته ته صدا ننه منه گوش,,الهی مار بمردبو

    مثل سیر وسرکه مه دل زنده جوش,,,الهی,,,,

    بدیمه جوون نعش ره سره دوش,,الهی,,

    الهی مار بمردبو ,,داغ پسر ندیبو

    پنجشنبه نماشون ته قبرپلی

    الهی,,,,

    خرما بدست نیشتمبه برمه گلی,,الهی,,,

    قبر سر شندمبه چشه جه اصری,,الهی,,,

    ته که بوردی بورده منه دل خشی,,الهی,,

    الهی مار بمردبو ,,داغ پسر ندیبو

    مره یاد انه وا ته گره کنار

    الهی,,,

    زمستون شو من نیشبیمه بیدار,,الهی,,,

    تره خو کردمه مه دل قرار

    الهی,,,

    گتمه بونی شه ماره یادگار

    الهی,,,

    الهی مار بمردبو,,داغ پسر ندیبو

    شه دل گتمه من ای جان ریکا

    الهی,,,

    سره پیری بونی مه دسته عصا

    الهی ,,,

    کی گته جوون مرگ شونی زدنیا,,الهی,,

    قبرستونه دله بونه تنه جا

    الهی ,,

    الهی مار بمردبو,,داغ پسر ندیبو

    آرزو داشتمه من با دل شاد

    الهی,,,

    تره شه دسته جه بسازم داماد

    الهی,,,

    اجل مه آرزو ره هدا برباد

    الهی,,,

    زیر گل بورده مه گل شمشاد

    الهی ,,,

    الهی مار بمردبو,,داغ پسر ندیبو

    ********

    دلگویه مازنی/زبانحال فرزند کنار مزار پدر

    باباجان بیمه ته قبر کنار        بابا مه جانِ بابا

    مه دل تنگ بعیه نالمه زار زار "   "

    او شَنِمه ته سنگِ قبرِ بالا

    تره خارخار هارشم جان بابا

    چند روزه من تره هکردمه گم

    هرجا شومه مه دل نعینه آروم

    مه زحمتکش بابا ای مره هارش

    مه چشمِ جا اشک اینه مثلِ وارش

    کانال آثارمداحی کربلایی میلادباباجانپور

    بروزترین اشعار مداحی با سبک_بابل

    ********

    پدر دکلمه

    مه سر سایه و مه دارو ندار / مه پی یر بیعه برار

    هرچی داشته هاکرده مِسّه نثار/ مه پی یر بیعه برار

    صواحی تا نماشته وه کرده کار /تانواشه شرمسار

    راحتی ندیعه وه به روزگار/مه پی یر بیعه برار

    اگه صدتا بالِ ماس دَوْون ته ور /نبونه جای پی یر

    اونکه عشق بی ادعا کِرده نثار/مه پی یر بیعه  برار

    رنج بدیعه  تا ته مردی بواشی / دلِ خشی بواشی

    رسم زندگی یاد  هدا بیعه  یار /مه پی یر بیعه  برار

    پینه بزّو ونه دس  نون بیاره/ با دل خون بیاره

    چرخ زندگی نهیعه ونهِ یار /مه پی یر بیعه  برار

    اسب زندگی ره بواشم سوار /درس هدا مره هزار

    مه معلّم و مربّی و مه یار/مه پی یر بیعه  برار

    اتّا عمر سایهٔ رحمتِ مه سر /مره بیته زیر پر

    ونه اسم و اوازه مه اعتبار /مه پی یر بیعه  برار

    اونکه مهر علی دکرده مه دل/ سرشته بیّه مه گل

    من از این نوکری کمبه افتخار /مه پی یر بیعه  برار

    چنده مهربون و دل رحم با وفا/ نشونه یاده (صفا)

    مه پناه زندگی مثل مه مار/ مه پی یر بیعه برار

    ته نومِ دور من ته قربون بواشم / خامبه مجنون بواشم

    چند سالِ ( چند روزه )بورده مه کار بهیعه زار /مه پی یر بیعه برار

    ********

    مادر

    مه دلِ سر عشق مه مار زنده شور

    عاشق شه مارمه من ونه دور

    مارِِ جا مهربونتر پیدا نونه

    هزار تا زن جای ته ننا نونه

    دل رحم تر از مار من کسی ندیمه

    از وه بهتر یار من کسی ندیمه

    نه ماه شه اِشکم مره جا هداعه

    شه خون جه مره غذا هداعه

    دنیا بمومه چنده  زار بدیعه

    مه گره سر شو شو بیدار بهیعه

    مره تو د اعه  سرِشو تا سحر

    لالائی خوندسّه بخسه پسر

    موسّه دل باد داعه  تو بیته بوم

    شه نخِته تا اینکه خو بیته بوم

    آه جان مار من ته فدا بواشم

    فدای ته درد دلا بو‌اشم

    من کی مه که مدح شه مار. بهووم

    از اون زن با اقتدار بهووم

    بته پیمبر اون که پاک سرشته

    ته لینگ بن آه جان مار بهشته

    (صفا) دم از مار بزویی ته امروز

    بسوته ته دل  و مه دل بمو سوز

    ********

    مادر

    مه دل از داغ ته چه نونه پاره

    خسته تن بمردی من ته بلاره

    ته زحمتها مره یاد نشونه یاد

    بکشی امسه زحمتِ زیاد

    گت هاکردی مره چه زارو خواری

    موسه بکشی شب زنده داری

    تن داشتی تب دارو من ته بلاره

    بیمی  پرستار و من ته بلاره

    جانِ مه خنه سو بیّه خاموش

    بمیرم ته صدا ننه منه گوش

    ته دسّ پینه دارْنِه ، مه جه حرفا

    گنه که بدی ته زحمتِ دنیا

    ته واری مهربون نبونه پیدا

    بمیرم خنه خالی بیّه ته جا

    زمستون در شونه اَیْ انه بهار

    مسّه بلبل زار خوندنه سرِ دار

    بنالم از دسّ چرخِ ِ روزگار

    مه دسّ جه بیته مه خاره غمخوار

    شوکه بونه مه دل گیرنه بهونه

    تا یاد نیاره تره خو نشونه

    دل خوانه خو بوینم جانِ مار ره

    خش هادم من ونه دیمِ کنار ره

    (صفا )ته که دوندی سخته بی ماری

    شوی برمه اون دل بی قراری

    ********

    جوان

    گلی ره غم بیته درننه صدا /آه پسر ته مار بمیره

    بهووم پسرجان شه سرِ بلا

    خور بیاردنه دوسّ ورفقا

    تصادف هاکرده ته خاره ریکا

    بشتوسّمه پسر با سر  دَکِتا

    خون بمو ته  سر و ته بوردی کُما

    بشتوسمه دس وپا بزّو  پسر

    شه جانه مار ره صدا بزّو پسر

    دل ناشتمه پسر بوری سرد خنه

    بخسی جوونی تاریکِ خنه

    پسر تازه جوون ننه تِنِه دور

    چطی هارشم بختی دله گور

    مه آرزو همه برباد بهیعه

    مه جانه پسرو داماد نهیعه

    جار بزنین بیعن دوس ورفقون

    حجله بزنن توسّه خیابون

    مجمه سر بیرن و بیعن قورستون

    رفق پرس بمونه تسّه مهمون

    الهی هیچ کس جوون نمیره

    جوون  بمونده سر انجوم بعیره

    جون بمرد دل شونه کربلا

    یاد اکبر کفنه یاد مولا

    بمو مولا پسرِ نعش بالا

    بدیعه اکبر بیّه ارباً اربا

    (صفا )داغ جوون مارّه کشنه

    تا زندوعه ونه نواجش انه

    ********

    درعزای مداح وذاکر حسین ع

    چه خوبه اینجوری عاشق بمیری/مولا ته غم بمیرم

    برات نوکری از یار بهیری /،،

    اتا عمر نومِ مولا ره بَوِری /،،

    وِشونه  غمه جاغصه بخری،،

    مدال نوکری داری شه سینه/،،

    بهووِن ذاکر مولا در اِنه /،،،

    خالص و پاک باشی ای جان برار/

    زینت باشی برای آل اطهار/

    ته بخونسّن دنیائی نواشه/

    برای پول و دنیائی نواشه/

    بمردی با وِشون محشور بهووی/

    شه مولای سفرهٔ دور دهووی /

    این ذاکر مرد با دین وخداهه/

    شهادت دمبی که پاک وبی ریاهه/

    کجه بوردی دیگر ننه ته صدا/

    برو روضه بخون از کرببلا/

    برو بخون زینب سره بلا/

    برو بخون از یتیمونِ آقا/

    برو از القمه بخون ته برار/

    یاد عباس بخون و اون علمدار /

    الان چند روزه که بعی ته خاموش/

    ته خارکه صدا ننه امه گوش/

    یقین  شه مولای مهمون بهیعه/،،،

    یک عمری این درگاه زحمت کشیعه/

    هر کس اتا قدم بیره در این راه//

    ونه اجر محفوظه مولای همراه/

    ********

    مادر شهید

    امه تیر بیته دل اَیْ کنده زاری/مه داغ چاره نبونه

    امه مار بمرده  هاکنین یاری

    جان مار بمرده یکسال جلوتر

    کعو دل داشته از لالهٔ پر پر

    از اون روز که ونسه بمو پیغوم

    ونه روزه روشن دیگه بیه شوم

    ونه همدم بیّه شوی نواجش

    ترکش بیته لباس و شوی خونش

    خدا دونده از اون روز تا دمه مرگ

    اتّا شو برمه زاری نهیعه ترک

    گته شه پسر و ننه بمیره/ پسر ننه بمیره

    سرباز رهبر و ننه بمیره

    سنگر ته حجله و ننه بمیره

    دل تسه پاره وننه بمیره

    پسر نوزما و ته دور بگردم

    ته رخت تا بزّه وا ته دور بگردم

    ته اکبر من لیلا ننه بمیره

    جبهه کرببلا ننه بمیره

    اسا بوردی امه کار بهیعه زار/شه جان مارِ قربون

    پنجشنبه نماشون امبی ته مزار/،،

    گمبی اینجه هسّه مزار مه مار/..

    شهیده مار هسّه امه افتخار/،،،

    روز محشر  دادگاه پروردگار/،،

    شهید اونجه هسه تسّه افتخار/،،

    امت با وفای مازندرون/ وشونه همت دور

    تشیع هاکردنه پیکر یارون/

    اما کربلا نور چش زهرا/ غریبی سخته یارون

    سه روز وشو دیه برخاک صحرا/،،

    اتا نته حسین اینجه مهمونه/،،

    پیغمبره نَوُعه غرقه خونه/،،

    ونه سر ره بزّونه نیزهٔ سر/،،،

    اتی بشته تندیر خولیِ کافر/‌،،

    ونه یتیمونه دل درد قربون

    (صفا ) وس وس ته آهِ سرد قربون

    ********

    هفتم پدر

    الان هفت روزه دنیعه مه عزیز

    بمیرم شه باباسه  بیعه مریض

    بمیرم ونه تن خله    کرده درد

    دم مرگ ونه دیم خله بیعه زرد

    الهی بمیره بابا ته کیجا

    چه نکندی مره ته دیگه صدا

    نخوانی ته بابا کیجاره  مگر

    اگه خوانی چه نعیرنی مه خور

    مریضِ تن داشتی بگردم ته دور

    مره ته جدایی کور هاکرده کور

    خله خسّه بعی بخردی دوا

    الهی بمیرم       نهیتی شفا

    چتی بیّه بوردی دیر هاکردی دیر

    شه کیجاره بابا هاکردی صغیر

    الهی نمیره هیچ کس بابا

    نوینه داغ کیجا سخت هسّه ولا

    بابای داغ هرگز نانه فراموش

    برمه ونه چش جه روش بکشه روش

    ********

    پدر

    هرچی من بهوم غم نونه کنار...دتر بمیره..دتربمیره

    ته عکس بزونه به در و دیوار ..دتربمیره

    فلک امه دلّ هاکرده نخار...دتربمیره

    ته پیش درمه تا آفتاب بوره مار..دتربمیره

    همه شب جمعه امّه ته دیدار ..دتربمیره

    نالمبه به مثل بلبل بهار..دتربمیره

    کجه دری بابا مه گل خوشبو..دتربمیره

    هر گلی بچینم نَدنه ته بو..دتربمیره..دتربمیره

    ********

    سالگرد پدر و مادر

    اسا نالمه من منزل به منزل

    دتا غم هنیشته امشو منه دل

    بهووم درد و غم روزگار ره

    بهووم سرگذشت پر و مار ره

    مه پر باغ گل ونوشه بیه

    مه مار مثل گندم خوشه بیه

    مه جان پر ستون زندگی به

    مه مار پر  از صفا و سادگی به

    مره یاد بدانه درس وفاره

    مره یاد بدانه عشق و صفاره

    یاد بدانه خدای بندگی ره

    اواز یاحسین و یاعلی ره

    اسا ونه بنالم من از این غم

    اسا برمه کمه از درد و ماتم

    یکساله که مه جان مار دنیه

    جان پر مه دل غمخوار دنیه

    یکساله ایخدا بی پرو مارمه

    مه دله غم بهیته بیقرارمه

    هرچی نالمه مه دل حار نبونه

    هیچ کی مه وسه پر و مار نبونه

    ********

    مادر

    جان مارمن ته دورگردمبه نشو

    تسه شمع واری اوبومبه نشو

    ته     بوری خنه صفاره ورنی

    مه بسوته  دلِ   دواره ورنی

    برو نشو بَوم   ته نومِ قربون

    مرِهرپنجشنبه نیار قورسون

    خدایی ندارم      دلِ جدایی

    مه دل پاره بیه چه بیصدایی

    توسه بمیرم  مه مظلومه مار

    ایشالله ته مریض تن بیه خار

    بمومه ته مزار ته زار بخوندم

    بمومه ته پلی      اتی بموندم

    مره بار   ته   مریضه تن چتیه

    آخر خله ته          تن  بلا بدیه

    مگه حنتا ته   تن ننا     نخاره

    چه مجا گب   نزندی ته بلاره

    ********

    هفتم مادر...زبانحال مازنی فراق مادر

    مه جان مار بوین مه دل بشکسه   آه ته دتر بمیره

    بیاردمه تسه گل دسته دسته       "   "

    هفت روز بیته اماره غم و غصه    "   "

    ته خنهء در ره سیاه دوسه          "   "

    جان مار هفت روزه ندارمی قرار  "   "

    مه کچکه برار برمه کنه زار زار   "   "

    یاد نشونه مره پاییز و بهار         "   "

    ته چش خو نشیعه نیش بیعی بیدار  "   "

    جان مار بعی تو آرزو به دل        "   "

    شه آرزو ره بوردی زیر گل         "   "

    مگر ته داغ مره بونه فراموش      "   "

    امه سرهء چراغ بیه خاموش       "    "

    ********

    جوان//عزا

    توسّه برمه کمبه برمبه کمبه / پسر ته ماربمیره

    بسوته دل ره تسّه پاره کمبه/،،

    جان ِپسر مه زاری توم نبونه/،،

    مه دل تش دارنه و آروم  نبونه/،،،

    ته سارق رخت ره پسر کمبه واز/ ،،

    لباس ره دس گیرمه تره دمبه ناز/،،

    اتی اشمبه ته عکسٍ ره بدیوار/،،

    دامادی رخت اشمبه زمبه زار زار/،،،

    اتی شه خاطرات کمبه مرور /،،،

    مه پسر بخته تینار دلِ گور /،،،

    مه ناسور چش پسر نشونه نار /،،،

    دراز شو پسر ندارمه قرار /،،

    مگر مه دل سنگه نبونه پاره/،،،

    مه پسر بمرده مه تن نخاره /،،،

    پسر مه دل خله دیه آرزو/،،

    دائم ته دامادی منه گفتگو/،،،

    پسر توسه حجله گاه بزّومه/،،

    شه کوچهٔ سر ره سیاه بزومه/،،

    مجمه بیاردنه تنه فامیلا/،،

    رفقون سر بیتنه کردنه سما/،،،

    لله بزن لله چی ته بلاره/،،

    مره تش بعیته ندارمه چاره/،،

    بزن لله ره تا لالا بخونم/،،

    شه پسره قوْره بالا بخونم/،،

    بزن لله که بسوته منه باغ/،،،

    مه تن لرزه بمو انده سخته داغ /،،

    (صفا ) انده نعو درد درده خونش

    دل از داغ جوون بموعهرنالش

    ********

    زبان حال مادر داغدیده

    الا ای آسمون غم داینه مِ دل

    خاموش بَئیه مِ بهار بلبل

    الا ای آسمون مه حالّه هارش

    خَسّه تن و بشکسّه بالّه هارش

    الا ای آسمون دل غرق خونه

    دل غرق خون از داغ نوجوونه

    نیشتمه شه پسر قبر کنار

    گمه پسر آرزو داشته تِه مار

    تِوِسّه سر به صحرا بزنم من

    خِنه پرچم عزا بزنم من

    مه زخم دل پسر بَهیه ناسور

    مره نَیّه گمون بَوینم این جور

    جان پسر تو بی مه ماه پاره

    پسر از داغ تو مه دل نخواره

    میون درد و غصّه بی ‌مه همدم

    ته بوردی و مه دل پِر بَیّه از غم

    ********

    عزای پدرو مادر ظرف مدت چند ماه

    الان هفت روزه که بیمه عزادار

    بمرده مه پیر بیمه گرفتار

    هنوز مه‌مار غم نشیه کنار

    مه پیر بمرده بهیمه تینار

    چنده سخته خدا در عرض چندماه

    هم پیر بمیره هم جان ننا

    دیگه امه سره صفا دنیه

    ننا دنیه و بابا دنیه

    امسال سال تحویل بل بهیم مزار

    کشه بیریم قبر پیر و هم مار

    مه پیر سختی زیاد بدیه

    ماکران مله خله زحمت کشیه

    همه وره راننده اشناسینه

    راننده نمونه اشناسینه

    ماکران تا ساری و تا شهر نکا

    مسافرا ره وه کرده جابه جا

    ********

    مادر//در عزای مادر شهید

    غم مه دله گوشه بزّوعه خیمه/جان مار ته بلاره

    سیو هاکرده اجل امه جمه

    امه جانه ماره عمر بیه تموم

    وره بورده  امه روزبیّه شوم

    سنگ قور بنویسیم تاریخ مردن

    بووین از اون روز غرصه بخردن

    امه مار بمرده چند سال جلوتر

    شه دسته گل ره وه بدیعه پر پر

    اون روز بیاردنه ونه ریکاره

    مولایِ جور ونه تن بیه  پاره

    هر روز هر روز نیشت بیعه کرده زاری

    نواجش داهه وه با بی قراری

    پسر نوزما و  من ته بلاره

    بهیمه لیلا و من ته بلاره

    ته نختی سنگر من خنهٔ تار

    همش گتمه بمیره تنه مار

    گته جان خدا بعیر مه جان ره

    بمیرم تا بوینم شه جوان ره

    جانه مار مهمون پسر بهیعه

    ونه چش انتظاری سر بهیعه

    برار ای  شهید راه کردگار

    مهمون دارنی پرستاری هاکن مار

    نعو ماره دله سر چه کهوعه

    توسه شه دل ره انده بزّوعه

    صفا ای ته از این حرفا بیاردی

    اماره یاد شه ننا بیاردی

    ********

    دل گویه از مادر شهید

    ته گل بی یا گلاب بی من ندومبه

    رفقِ آفتاب بی من ندومبه

    بهشتِ سایه بون بی من ندومبه

    شهید مهربون بی من ندومبه

    اینتا دومبه که بی غسل وکفن بی

    شهید مهربون این وطن بی

    ته پیغوم ره هدامه ته ننا ره

    توسه بخونه لالا لالا ره

    لالا لالا ته ارمون بلاره

    دنیا بی ته مه زندون بلاره

    مه پسر بیعه جوون بلاره

    ته تن بیه غرقه خون بلاره

    ته گره ره دامه توی بلاره

    پسر بی مه آرزوی بلاره

    لالا لالا شه پسرِ بلاره

    خسته تن داشته سنگرِ بلاره

    پوتینِ بند دکّل وا نکرده

    اتا دم میل این دنیا نکرده

    پسر من ته مجشگاه بلاره

    ته تن نهیعه پیدای بلاره

    مره ته انتظاری پیر هاکرده

    مره بند بزوعه زنجیر هاکرده

    ته همسنگر مسه بیارده خور

    پسر فدا بیه میون سنگر

    دیگر هرشو ته رخت بو کشمبه

    ته دامادی رخت اتو کشمبه

    لالا پسر مه دل دیه آرزو

    نعی داماد مه دل کنده تسه تو

    ********

    جوان//در جاده تصادف کرد

    مه دل ره غم بیته درننه صدا/پسر ته ننا بمیره

    مه گل گم بیّه چند روز نِنِه پیدا/،،،

    پسر بورده سفر مه چش دیّه راه/،،،

    گتمه کِی انه مه جانِ دل  خواه/،،،

    بی گمون  بموعه موسّه خور/،،،

    برو که ته پسر دکته خطر/،،،

    برو جاده هراز بیّه قتله گاه/،،

    بی گمون بمرده ته خاره ریکا/،،،

    بشتوسمه پسر زخم بیه ته تن/،،

    غریبی بمرده  با درد ومحن /،،،

    بشتوسمه اجل بیته راه ره/،،،

    پسر من ته غریبی بلاره/،،،

    پسر نوزما وته دور بگردم/.،

    بمیره ننا و ته دور بگردم/،،

    بوردی آرزو بمونسّه مه دل/،،

    داماد نکردمه بوردی زیر گل /...

    مجمه سر گیرمبه ایارمه مزار/،،

    بدونین مه پسر بیعه نومزه دار/،،،

    عروسی گیرمیه توسه مزار/،،

    نیشتمبه قور دور نالمبه زار زار/..

    اتی مه دل شونه سمت کربلا/،،

    یاد اکبر کفمبه و یاد مولا/،،

    بمو ونه کنار روز عاشورا/،،،

    بدیعه پسر بیّه ارباً اربا/،..

    خم بیّه مه کمر ای جان ریکا/،،

    تاریک خنه و کمبه ونگ و وا /،،،

    (صفا ) انده نعو زار زاره خونش

    وس هاکن داغدیده مار هاکرده غش/،،،

    ********

    مادری که تازه از کربلا آمده بود

    جان مار پاک وبا خدا بمرده/ شه جان مار قربون

    مظلوم و چنده با صفا بمرده/،،،

    چتی ونسه من لب وا هاکنم/،،

    با بغض غم چتی نجوا هاکنم/،،

    چنده بووم ونه سرِ بلاره/،،

    هیچ کس ره نعوته درد دلاره/،،

    ونه خسته تنِ قربون بواشم/،،

    جانِ ماره توسه مجنون بواشم/،،

    ته دسّ پینه بزّهٔ بلاره/

    ته غم جمع بیّه سینهٔ بلاره/

    الان چند روزه مه دل بی قراره/..

    مه مار بمرده وا مه تن نخاره/،،

    مره یاد نشونه ته تنِ تبدار/،،

    وقتی مریض بی من بیمه پرستار/،،،

    مثل خورده وچه من برمه کمبه/،،،

    ته چادر نماز ره من کشه کمبه/،،،

    مره یاد انه بموعی از سفر /،،

    چاوش خوندسه تا امه دمِ در/،،،

    اون روز خوشحال بیمه  مه مار بموعه/،،،

    کربلا جه دلِ قرار بموعه /،،

    اما امروز مره بیته دل شوره/،،،

    از دسّ برمه مه دتا چش کوره/،،

    مه مار بورده مزار هاکرده خنه/،،،

    بمیرم که بخِته خالی بنه/،،،

    راه دارْمِه بووه پنجشنبه نماشون/،،

    بیعم بشکسّه دل من تا قورستون /...

    اسری بشندما ته قوره کنار /،،،

    ولکوم مه دل اتی بعیره قرار/،،،

    (صفا )بی ماربعی دلِ بلاره/،،

    هرکس بی ماره ونه تن نخاره/..

    ********

    داغ دختر جوان

    مه دل از  ته غم وغرصه سروشته/شه غم غرصه ره که ره بووم

    مره ته داغ مظلومی بکوشته/،،،،

    اجل مه خنهٔ سو ره بکوشته/.،،

    فلگ ته سرنوشت ره غم بنوشته/،،

    سرهادم من شه صداره/بووم ته سرِ بلاره

    مه دل تسّه بیّه پاره/بووم شه کیجای بلاره

    بوردی و مامان تسّه زار بهیعه/ این غم غرصه ره که ره بووم

    مه همدم دیگه شویِ تار بهیعه/،،،

    جوون بی ته عکس بر دیوار بهیعه/،،،

    دیگر مه کار دتِر چه زار بهیعه/،،،

    سرهادم من شه صداره/بووم ته سرِ بلاره

    مه دل تسّه بیّه پاره/بووم شه کیجای بلاره

    هیچ کس ره باور از این کار نبونه/این غم وغرصه ره که ره بووم

    دلی به مثل مه دل زار نبونه/،،،

    بشکسّه دل دارمه که خار نبونه/،،،

    داغ جوون از دل کنار نبونه/...،،،

    سرهادم من شه صداره/بووم ته سرِ بلاره

    مه دل تسّه بیّه پاره/بووم شه کیجای بلاره

    آرزو داشتمه بمونسّه دل /این غم و غرصه ره که ره بووم

    عروس نکردمه شه میوهٔ دل/،،،

    مه گل پر در بیّه بورده زیرگل/،،،،

    دنیایِ غمهاره دکرده مه دل/،،،،

    سرهادم من شه صداره/بووم ته سرِ بلاره

    مه دل تسّه بیّه پاره/بووم شه کیجای بلاره

    توسّه  حجله بزنم دمِ در/این غم وغرصه ره که ره بووم

    مه دتر مثل گل بعیعه پرپر/،،،

    خاک غم از عزا دکته مه سر/،،.

    گمبه مار بمیره ای جان دتر/،،،

    سرهادم من شه صداره/بووم ته سرِ بلاره

    مه دل تسّه بیّه پاره/بووم شه کیجای بلاره

    ********

    دختر جوان //که در تصادف زخمی وکماء رفت ومردو مادر وخواهر درجا مردند

    خوامیه زار بخونم تاته بنالی / خدا سخته جدائی

    عقده هاکنی شه دلِ جه خالی/،،

    جوونِ سّه همه نالنّه  زار زار/،،

    ملک در آسمون بونه عزادار/،،

    خصوصاً اون جوون که کام ندیبو/،،

    به جز رنج وغم ایّام ندیبو/،،

    فلک ته بخته چنده کم بعیته /بابا ته دور بگرده

    ته اقبال قضا چه کم بعیته/،،،

    چند سال ویشتر ناشتی بعی بی بابا/،،،

    یتیمی گت بعی با رنج دنیا/،،،

    شه دل داشتی یقین چنده آرزو/،،

    چه زود بیّه اجل ته جه روبرو/،،،

    سه تا داع ره اتّا جا کی بدیعه/،،

    اینجور تش هایته باغ ره کی بدیعه/،،

    بمرده ته مار وخاخر جلوتر/،،

    ندینه شه گل ره تِنِه جور پرپر/،،

    شما ای خاخروت یاری هاکنین/،،،

    به جای مار ونه زاری هاکنین/،،

    ندارنه مار اگر هاده نواجش/،،

    شما زار بزنین دارمبه خواهش/،،،

    دتر نازنین و ته دور بگردم  /،،

    گِل بیّه سرین وته دور بگردم/،،

    چند ماه در کماء و ته دور بگردم/،،

    ته تن مفتلی و ته دور بگردم/،،

    مه دلِ قرارو بابا بمیره /،،

    بهیمه تینار وبابا بمیره/،،

    درد بی دوا و بابا بمیره/،،

    بیْرِم ته عزا و با با بمیره/،،

    مجمه هایرم سرو من چه نمیرمه/

    عروس مه دتر و من چه نمیرمه/،

    دنیا بی وفا ومن چه نمیرمه/،

    مه سز بلا و من چه نمیرمه/،،

    ********

    جوان //زبان حال مادر داغدیده

    جان پسر مه دلّه غم بهیته- منزل نو مبارک

    مه صحرای دلّه ماتم بهیته- منزل نو مبارک

    دل بیّه غرق خون، سخته جدایی- منزل نو مبارک

    چند روز بورده میون، سخته جدایی- منزل نو مبارک

    مه خنه ی سو بی ‌مه جان ریکا- منزل نو مبارک

    بی تو مه خنه دیگه ناینه صفا- منزل نو مبارک

    جان پسر مه دل چی غرق خونه- منزل نو مبارک

    پسر مه دل تِسّه گینه بهونه- منزل نو مبارک

    مه دل درد دیگه چاره نبونه- منزل نو مبارک

    ته غصّه مه دلِ جا در نَشونه- منزل نو مبارک

    جان پسر ته مار آرزو داشته- منزل نو مبارک

    فلک مه دل غم و غصّه دکاشته- منزل نو مبارک

    جان پسر مه ماه آسمون بی- منزل نو مبارک

    بلند بالا قوی و پهلوون بی- منزل نو مبارک

    زینب کربلا ره یاد ایارمه- منزل نو مبارک

    ونِه رنج و بلاره یاد ایارمه- منزل نو مبارک

    بیه صاحب عزاره یاد ایارمه- منزل نو مبارک

    وِنه دتا ریکاره یاد ایارمه- منزل نو مبارک

    اگه بدیمه داغ اَتّا جوون- منزل نو مبارک

    وه داغ بدیه کربلا فراوون- منزل نو مبارک

    ********

    جوان

    گلی ره غم بیته درننه صدا /آه پسر ته مار بمیره

    بهووم پسرجان شه سرِ بلا

    خور بیاردنه دوسّ ورفقا

    تصادف هاکرده ته خاره ریکا

    بشتوسّمه پسر با سر  دَکِتا

    خون بمو ته  سر و ته بوردی کُما

    بشتوسمه دس وپا بزّو  پسر

    شه جانه مار ره صدا بزّو پسر

    دل ناشتمه پسر بوری سرد خنه

    بخسی جوونی تاریکِ خنه

    پسر تازه جوون ننه تِنِه دور

    چطی هارشم بختی دله گور

    مه آرزو همه برباد بهیعه

    مه جانه پسرو داماد نهیعه

    جار بزنین بیعن دوس ورفقون

    حجله بزنن توسّه خیابون

    مجمه سر بیرن و بیعن قورستون

    رفق پرس بمونه تسّه مهمون

    الهی هیچ کس جوون نمیره

    جوون  بمونده سر انجوم بعیره

    جون بمرد دل شونه کربلا

    یاد اکبر کفنه یاد مولا

    بمو مولا پسرِ نعش بالا

    بدیعه اکبر بیّه ارباً اربا

    (صفا )داغ جوون مارّه کشنه

    تا زندوعه ونه نواجش انه

    ********

    مادر

    مه گل بهار /خنهٔ سو بیعه مه مار

    مه داروندار /گل خوشبو بیعه مه مار

    بعد ه خدا پشت وپناه من بیعه

    هنگام بلا به مثل کوه بیعه مه مار

    جانه مار منه درده دوا/خدا دونده که بی ته خنه نارنه صفا

    شوتا صواحی مه گره سر بیدار بیعه

    تا من بخسم وه مه دله قرار بیعه

    گته لالایی مه گرِه ره وه تو داعه

    هر کجه شیمه مار منه افتخار بیعه

    جان مار منه درده دوا/خدا دونده که بی ته خنه نارنه صفا

    وقتی که بورده مه مار بشکسه مه دل

    حاصل باغ بسوته بورده زیر گل

    ته ارمون بلاره ننا نرسّی آرزو

    کربلا و مدینه بیعه ته گفتگو

    جانه مار منه درده دوا/خدا دونده که بی ته خنه نارنه صفا

    اسا بهیعه مه کار راه دَکِفِم صحرا

    اتا دس بیرم کشکول اتا دس عصا

    بخونم شه داغ دلره همه بدونن

    مه خنه خالی بیه بعیمه تنها

    جانه مار ته مه درده دوا/خدا دونده که بی ته خنه نارنه صفا

    ********

    در عزای پدر ومادر در یک روز

    بسوته دل دارمه دیدهٔ کم سو/ دتا داغ مه دل ره تو بیارده تو

    اتا داغ مرگ مه جانه بباهه/تموم زندگی مه تکیه گاهه

    وه بورده مه تک خنده بمرده/شه همراه مه دل خشی ره بورده

    ونه دسّ پینه دَوسّ قربون/  ونه بک وبو و نفس قربون

    اتا عمر رنج وسختیهایِ قربون/ نکرده راحتِ دنیایِ قربون

    جانِ پر ، دلِ ارمونِ بلاره/دنیا بی ته مه زندونِ بلاره

    کدوم داغ ره خدا زاری هاکنم/کمتا وسّه عزا داری هاکنم

    اتا ور داغ پر یک سو غم مار/اتی بنالم از شه بخت من زار زار

    خنه که مار دنیعه شو ره مونّه/مثل زندون بی سک وسو ره مونّه

    جانِ مار اون خسته تنِ بلاره/  ته بی صفای گلشنِ بلاره

    از اون روز که مره بیاردی دنیا/ همیشه بی، ته مه همدمه غمها

    با تنِ خسّه و اون چش بی خو/نیشت بی گره سر مره هِداهی تو

    مره شیر هداعی از شیرهٔ جون /شه رشیده قد ره هاکردی کمون

    اسا امه خنه بهیعه خاموش /شمه غم امه دل ره بیارده جوش

    (صفا) پرو مار که پیدا نبونه/ گل خنده بی اونها وا نبونه

    ********

    خواهری //که پنجاه ساله بوده ولی ازدواج نکرده بوده ومریض شد ومرد

    مه ماره بک وبو ره داشته خاخر/ونه غم من بمیرم

    مه ماره خلق وخو ره داشته خاخر

    هروقتی راه شیعه منه برابر

    مه جان مار مره اموعه نظر

    خاخر بیعه امّا ماری هاکرده

    اِماره وه پرستاری هاکرده

    فلک ونه شانس ره چه کم بعیته

    ونه بخت واقبال ره غم بعیته

    وه که بورده ونه نشون گم بیّه

    ونه برارون دل هم خون بیه

    سربسته بووم ونه ارمون دور

    روزگار دکرده دل ره خونِ دور

    اگر نارنه وچه تا بزنن زار

    برار زا وخرزا بهووین غمخوار

    کسی نهووه که نداشته پسر

    شور مجلس بووه بزنه شه سر

    نداشته دتر تا زاری هاکنه

    مریض بیه پرستاری هاکنه

    شما هم مثل وچه بزّونی زار

    ونه مریضی بعینی پرستار

    اتا گنه عمه ته دور بگردم

    انده برمه کمبه تا کور بگردم

    اتا گنه خاله چنده مهربون

    خنه خالی بیه گم بیّه نشون

    برار گنه تسّه دل بهیته تنگ

    خاخر گنه هردم تره کمبه ونگ

    زحمت کش خاخرِ قربون بواشم

    جمعه نماشون ته مهمون بواشم

    برمه گلی بیعم ته قَوْره کنار

    بسوته دل دارمه نالمبه زار زار

    اتا مرد واری ته کار هاکردی

    تلر ته دس دشت ره شیار هاکردی

    اتا دم نداشتی ته روز راحت

    سختی بدی نداشتی استراحت

    ته تن به مریضی دچار بهیعه

    دوا دکتر مه خاخر خار نهیعه

    بلاره خاخره که زوعه ناله

    مره که یاد انه دل بونه پاره

    برمه جه شه چش ره سرمه بکشیم

    چنده ته جای خالی ره هارشیم

    (صفا )شعر بعوته توسّه غمناک

    همه ونه بمیریم وبوریم خاک

     

    منبع مطلب : khodabakhshitabar.blogfa.com

    مدیر محترم سایت khodabakhshitabar.blogfa.com لطفا اعلامیه بالای سایت را مطالعه کنید.

    عزای جوان ناکام


    من از این گلزار نشونه دارمه
    الهی مار بمردبو
    من از داغ شه جوون ناله دارمه
    الهی,,,
    من داغ نوگل نو رسته دارمه
    الهی,,,
    چند روزه ونه داغ شه سینه دارمه
    الهی,,,
    الهی مار بمردبو ,,داغ پسر ندیبو
    مگر ته داغ مره بونه فراموش
    الهی,,,
    چند وقته ته صدا ننه منه گوش,,الهی مار بمردبو
    مثل سیر وسرکه مه دل زنده جوش,,,الهی,,,,
    بدیمه جوون نعش ره سره دوش,,الهی,,
    الهی مار بمردبو ,,داغ پسر ندیبو
    پنجشنبه نماشون ته قبرپلی
    الهی,,,,
    خرما بدست نیشتمبه برمه گلی,,الهی,,,
    قبر سر شندمبه چشه جه اصری,,الهی,,,
    ته که بوردی بورده منه دل خشی,,الهی,,
    الهی مار بمردبو ,,داغ پسر ندیبو
    مره یاد انه وا ته گره کنار
    الهی,,,
    زمستون شو من نیشبیمه بیدار,,الهی,,,
    تره خو کردمه مه دل قرار
    الهی,,,
    گتمه بونی شه ماره یادگار
    الهی,,,
    الهی مار بمردبو,,داغ پسر ندیبو
    شه دل گتمه من ای جان ریکا
    الهی,,,
    سره پیری بونی مه دسته عصا
    الهی ,,,
    کی گته جوون مرگ شونی زدنیا,,الهی,,
    قبرستونه دله بونه تنه جا
    الهی ,,
    الهی مار بمردبو,,داغ پسر ندیبو
    آرزو داشتمه من با دل شاد
    الهی,,,
    تره شه دسته جه بسازم داماد
    الهی,,,
    اجل مه آرزو ره هدا برباد
    الهی,,,
    زیر گل بورده مه گل شمشاد
    الهی ,,,
    الهی مار بمردبو,,داغ پسر ندیبو

    از حقیر
    قاسم جناتیان قادیکلایی

    منبع مطلب : jannatiyan.blogfa.com

    مدیر محترم سایت jannatiyan.blogfa.com لطفا اعلامیه بالای سایت را مطالعه کنید.

    جواب کاربران در نظرات پایین سایت

    مهدی : نمیدونم, کاش دوستان در نظرات جواب رو بفرستن.

    میخواهید جواب یا ادامه مطلب را ببینید ؟
    فاطمه 19 روز قبل
    0

    عالیترین و جالب ترین سایتی که دیدم

    مهدی 10 ماه قبل
    2

    نمیدونم, کاش دوستان در نظرات جواب رو بفرستن.

    برای ارسال نظر کلیک کنید